Phala Shruti

The Phala Shruti describes the fruits of reciting the thousand names. As noted in the introduction, it is an integral part of the Mahabharata text, and Sri Bhattar has commented on it as well. The verses are given below with their meanings.

इतीदं कीर्तनीयस्य केशवस्य महात्मनः ।

नाम्नां सहस्रं दिव्यानाम् अशेषेण प्रकीर्तितम् ॥ १ ॥

itīdaṃ kīrtanīyasya kēśavasya mahātmanaḥ |

nāmnāṃ sahasraṃ divyānām aśēṣēṇa prakīrtitam || 1 ||

Thus have the thousand divine names of the great Kesava, who is worthy of all praise, been recited in full.

य इदं शृणुयान्नित्यं यश्चापि परिकीर्तयेत् ।

नाशुभं प्राप्नुयात् किञ्चित् सोऽमुत्रेह च मानवः ॥ २ ॥

ya idaṃ śṛṇuyānnityaṃ yaścāpi parikīrtayēt |

nāśubhaṃ prāpnuyāt kiñcit sō'mutrēha ca mānavaḥ || 2 ||

One who hears these names every day, or recites them, meets with nothing inauspicious, either in this world or in the next.

वेदान्तगो ब्राह्मणः स्यात् क्षत्रियो विजयी भवेत् ।

वैश्यो धनसमृद्धः स्याच्छूद्रः सुखमवाप्नुयात् ॥ ३ ॥

vēdāntagō brāhmaṇaḥ syāt kṣatriyō vijayī bhavēt |

vaiśyō dhanasamṛddhaḥ syācchūdraḥ sukhamavāpnuyāt || 3 ||

The brahmin who recites them becomes learned in the Vedanta, the kshatriya becomes victorious, the vaishya becomes rich, and the shudra attains happiness.

धर्मार्थी प्राप्नुयाद्धर्मम् अर्थार्थी चार्थमाप्नुयात् ।

कामानवाप्नुयात् कामी प्रजार्थी चाप्नुयात् प्रजाः ॥ ४ ॥

dharmārthī prāpnuyāddharmam arthārthī cārthamāpnuyāt |

kāmānavāpnuyāt kāmī prajārthī cāpnuyāt prajāḥ || 4 ||

One who seeks dharma attains dharma; one who seeks wealth attains wealth; one who seeks the fulfilment of desires attains them; and one who seeks children is blessed with them.

भक्तिमान् यः सदोत्थाय शुचिस्तद्गतमानसः ।

सहस्रं वासुदेवस्य नाम्नामेतत् प्रकीर्तयेत् ॥ ५ ॥

bhaktimān yaḥ sadōtthāya śucistadgatamānasaḥ |

sahasraṃ vāsudēvasya nāmnāmētat prakīrtayēt || 5 ||

One who is devoted, who rises early, purifies themselves, and with a mind fixed on Him recites these thousand names of Vasudeva,.

यशः प्राप्नोति विपुलं ज्ञातिप्राधान्यमेव च ।

अचलां श्रियमाप्नोति श्रेयः प्राप्नोत्यनुत्तमम् ॥ ६ ॥

yaśaḥ prāpnōti vipulaṃ jñātiprādhānyamēva ca |

acalāṃ śriyamāpnōti śrēyaḥ prāpnōtyanuttamam || 6 ||

attains great fame and a foremost place among their kin. They gain lasting prosperity and the highest good, which has nothing above it.

न भयं क्वचिदाप्नोति वीर्यं तेजश्च विन्दति ।

भवत्यरोगो द्युतिमान् बलरूपगुणान्वितः ॥ ७ ॥

na bhayaṃ kvacidāpnōti vīryaṃ tējaśca vindati |

bhavatyarōgō dyutimān balarūpaguṇānvitaḥ || 7 ||

Such a person never meets with fear, gains valour and vigour, and becomes free from disease, radiant, and endowed with strength, beauty, and good qualities.

रोगार्तो मुच्यते रोगाद्बद्धो मुच्येत बन्धनात् ।

भयान्मुच्येत भीतस्तु मुच्येतापन्न आपदः ॥ ८ ॥

rōgārtō mucyatē rōgādbaddhō mucyēta bandhanāt |

bhayānmucyēta bhītastu mucyētāpanna āpadaḥ || 8 ||

The sick are freed from disease, the bound are freed from bondage, the frightened are freed from fear, and those in danger are freed from danger.

दुर्गाण्यतितरत्याशु पुरुषः पुरुषोत्तमम् ।

स्तुवन्नामसहस्रेण नित्यं भक्तिसमन्वितः ॥ ९ ॥

durgāṇyatitaratyāśu puruṣaḥ puruṣōttamam |

stuvannāmasahasrēṇa nityaṃ bhaktisamanvitaḥ || 9 ||

One who praises Purushottama every day with devotion through these thousand names quickly crosses over all difficulties.

वासुदेवाश्रयो मर्त्यो वासुदेवपरायणः ।

सर्वपापविशुद्धात्मा याति ब्रह्म सनातनम् ॥ १० ॥

vāsudēvāśrayō martyō vāsudēvaparāyaṇaḥ |

sarvapāpaviśuddhātmā yāti brahma sanātanam || 10 ||

The mortal who takes refuge in Vasudeva and holds Him as the supreme goal is cleansed of all sins and attains the eternal Brahman.

न वासुदेवभक्तानाम् अशुभं विद्यते क्वचित् ।

जन्ममृत्युजराव्याधिभयं नैवोपजायते ॥ ११ ॥

na vāsudēvabhaktānām aśubhaṃ vidyatē kvacit |

janmamṛtyujarāvyādhibhayaṃ naivōpajāyatē || 11 ||

For the devotees of Vasudeva, nothing inauspicious ever happens. The fear of birth, death, old age, and disease never arises in them.

इमं स्तवमधीयानः श्रद्धाभक्तिसमन्वितः ।

युज्येतात्मसुखक्षान्तिश्रीधृतिस्मृतिकीर्तिभिः ॥ १२ ॥

imaṃ stavamadhīyānaḥ śraddhābhaktisamanvitaḥ |

yujyētātmasukhakṣāntiśrīdhṛtismṛtikīrtibhiḥ || 12 ||

One who studies this hymn with faith and devotion is blessed with inner joy, patience, prosperity, courage, memory, and fame.

न क्रोधो न च मात्सर्यं न लोभो नाशुभा मतिः ।

भवन्ति कृतपुण्यानां भक्तानां पुरुषोत्तमे ॥ १३ ॥

na krōdhō na ca mātsaryaṃ na lōbhō nāśubhā matiḥ |

bhavanti kṛtapuṇyānāṃ bhaktānāṃ puruṣōttamē || 13 ||

Neither anger, nor jealousy, nor greed, nor evil thoughts arise in the virtuous devotees of Purushottama.

द्यौः सचन्द्रार्कनक्षत्रा खं दिशो भूर्महोदधिः ।

वासुदेवस्य वीर्येण विधृतानि महात्मनः ॥ १४ ॥

dyauḥ sacandrārkanakṣatrā khaṃ diśō bhūrmahōdadhiḥ |

vāsudēvasya vīryēṇa vidhṛtāni mahātmanaḥ || 14 ||

The heavens with the moon, the sun, and the stars, the sky, the directions, the earth, and the great ocean are all upheld by the might of the great Vasudeva.

ससुरासुरगन्धर्वं सयक्षोरगराक्षसम् ।

जगद्वशे वर्ततेदं कृष्णस्य सचराचरम् ॥ १५ ॥

sasurāsuragandharvaṃ sayakṣōragarākṣasam |

jagadvaśē vartatēdaṃ kṛṣṇasya sacarācaram || 15 ||

This whole world, with its devas, asuras, gandharvas, yakshas, serpents, and rakshasas, with all that moves and all that does not move, is under the control of Krishna.

इन्द्रियाणि मनो बुद्धिः सत्त्वं तेजो बलं धृतिः ।

वासुदेवात्मकान्याहुः क्षेत्रं क्षेत्रज्ञ एव च ॥ १६ ॥

indriyāṇi manō buddhiḥ sattvaṃ tējō balaṃ dhṛtiḥ |

vāsudēvātmakānyāhuḥ kṣētraṃ kṣētrajña ēva ca || 16 ||

The senses, the mind, the intellect, sattva, splendour, strength, and fortitude, as well as the body (the field) and the soul (the knower of the field), all have Vasudeva as their inner self, so the wise declare.

सर्वागमानाम् आचारः प्रथमं परिकल्पितः ।

आचारप्रथमो धर्मो धर्मस्य प्रभुरच्युतः ॥ १७ ॥

sarvāgamānām ācāraḥ prathamaṃ parikalpitaḥ |

ācāraprathamō dharmō dharmasya prabhuracyutaḥ || 17 ||

Right conduct is placed first among all the scriptures. Dharma is founded on right conduct, and the Lord of dharma is Acyuta.

ऋषयः पितरो देवा महाभूतानि धातवः ।

जङ्गमाजङ्गमं चेदं जगन्नारायणोद्भवम् ॥ १८ ॥

ṛṣayaḥ pitarō dēvā mahābhūtāni dhātavaḥ |

jaṅgamājaṅgamaṃ cēdaṃ jagannārāyaṇōdbhavam || 18 ||

The rishis, the ancestors, the devas, the great elements, the substances of the earth, and this whole world of moving and unmoving things, all have their origin in Narayana.

योगज्ञानं तथा साङ्ख्यं विद्याः शिल्पादिकर्म च ।

वेदाः शास्त्राणि विज्ञानम् एतत्सर्वं जनार्दनात् ॥ १९ ॥

yōgajñānaṃ tathā sāṅkhyaṃ vidyāḥ śilpādikarma ca |

vēdāḥ śāstrāṇi vijñānam ētatsarvaṃ janārdanāt || 19 ||

Yoga, knowledge, Sankhya, the arts, crafts and other skills, the Vedas, the shastras, and all learning come from Janardana.

एको विष्णुर्महद्भूतं पृथग्भूतान्यनेकशः ।

त्रीन् लोकान् व्याप्य भूतात्मा भुङ्क्ते विश्वभुगव्ययः ॥ २० ॥

ēkō viṣṇurmahadbhūtaṃ pṛthagbhūtānyanēkaśaḥ |

trīn lōkān vyāpya bhūtātmā bhuṅktē viśvabhugavyayaḥ || 20 ||

Vishnu, the one great Being, exists in many separate beings. Pervading the three worlds, the self of all beings, the imperishable one enjoys and protects them all.

इमं स्तवं भगवतो विष्णोर्व्यासेन कीर्तितम् ।

पठेद्य इच्छेत् पुरुषः श्रेयः प्राप्तुं सुखानि च ॥ २१ ॥

imaṃ stavaṃ bhagavatō viṣṇōrvyāsēna kīrtitam |

paṭhēdya icchēt puruṣaḥ śrēyaḥ prāptuṃ sukhāni ca || 21 ||

Whoever wishes to attain the highest good and true happiness should recite this hymn to Lord Vishnu, composed by Vyasa.

विश्वेश्वरम् अजं देवं जगतः प्रभवाप्ययम् ।

भजन्ति ये पुष्कराक्षं न ते यान्ति पराभवम् ॥ २२ ॥

viśvēśvaram ajaṃ dēvaṃ jagataḥ prabhavāpyayam |

bhajanti yē puṣkarākṣaṃ na tē yānti parābhavam || 22 ||

Those who worship the lotus-eyed Lord, the master of the universe, the unborn, the source and the end of the world, never meet with defeat.