The Sudarshana Ashṭakam

So great is the power of Sri Chakrattāzhwār, and it was to bring its blessing to all that Swami Deshikan composed the Sudarshana Ashṭakam. It is said that the Divya Desam of Tiruputkuzhi was once gripped by a fever that spread through the land. When Swami Deshikan composed the Sudarshana Ashṭakam and the people recited it with all their heart and mind, Sri Chakrattāzhwār blessed them and freed them from the epidemic. To this day devotees recite it for health and protection.

The Ashṭakam is traditionally begun with the taniyan of Swami Deshikan, in praise of the Āchārya.

श्रीमान् वेङ्कटनाथार्यः कवितार्किककेसरी ।

वेदान्ताचार्यवर्यो मे सन्निधत्तां सदा हृदि ॥

shrīmān veṅkaṭanāthāryaḥ kavitārkikakesarī |

vedāntācāryavaryo me sannidhattāṁ sadā hṛdi ||

प्रतिभटश्रेणिभीषण वरगुणस्तोमभूषण

जनिभयस्थानतारण जगदवस्थानकारण ।

निखिलदुष्कर्मकर्शन निगमसद्धर्मदर्शन

जय जय श्रीसुदर्शन जय जय श्रीसुदर्शन ॥ १ ॥

pratibhaṭashreṇibhīshaṇa varaguṇastomabhūshaṇa

janibhayasthānatāraṇa jagadavasthānakāraṇa |

nikhiladushkarmakarshana nigamasaddharmadarshana

jaya jaya shrīsudarshana jaya jaya shrīsudarshana || 1 ||

शुभजगद्रूपमण्डन सुरगणत्रासखण्डन

शतमखब्रह्मवन्दित शतपथब्रह्मनन्दित ।

प्रथितविद्वत्सपक्षित भजदहिर्बुध्न्यलक्षित

जय जय श्रीसुदर्शन जय जय श्रीसुदर्शन ॥ २ ॥

shubhajagadrūpamaṇḍana suragaṇatrāsakhaṇḍana

shatamakhabrahmavandita shatapathabrahmanandita |

prathitavidvatsapakshita bhajadahirbudhnyalakshita

jaya jaya shrīsudarshana jaya jaya shrīsudarshana || 2 ||

स्फुटतटिज्जालपिञ्जर पृथुतरज्वालपञ्जर

परिगतप्रत्नविग्रह पटुतरप्रज्ञदुर्ग्रह ।

प्रहरणग्राममण्डित परिजनत्राणपण्डित

जय जय श्रीसुदर्शन जय जय श्रीसुदर्शन ॥ ३ ॥

sphuṭataṭijjālapiñjara pṛthutarajvālapañjara

parigatapratnavigraha paṭutaraprajñadurgraha |

praharaṇagrāmamaṇḍita parijanatrāṇapaṇḍita

jaya jaya shrīsudarshana jaya jaya shrīsudarshana || 3 ||

निजपदप्रीतसद्गण निरुपधिस्फीतषड्गुण

निगमनिर्व्यूढवैभव निजपरव्यूहवैभव ।

हरिहयद्वेषिदारण हरपुरप्लोषकारण

जय जय श्रीसुदर्शन जय जय श्रीसुदर्शन ॥ ४ ॥

nijapadaprītasadgaṇa nirupadhisphītashaḍguṇa

nigamanirvyūḍhavaibhava nijaparavyūhavaibhava |

harihayadveshidāraṇa harapuraploshakāraṇa

jaya jaya shrīsudarshana jaya jaya shrīsudarshana || 4 ||

दनुजविस्तारकर्तन जनितमिस्राविकर्तन

दनुजविद्यानिकर्तन भजदविद्यानिवर्तन ।

अमरदृष्टस्वविक्रम समरजुष्टभ्रमिक्रम

जय जय श्रीसुदर्शन जय जय श्रीसुदर्शन ॥ ५ ॥

danujavistārakartana janitamisrāvikartana

danujavidyānikartana bhajadavidyānivartana |

amaradṛshṭasvavikrama samarajushṭabhramikrama

jaya jaya shrīsudarshana jaya jaya shrīsudarshana || 5 ||

प्रतिमुखालीढबन्धुर पृथुमहाहेतिदन्तुर

विकटमायाबहिष्कृत विविधमालापरिष्कृत ।

स्थिरमहायन्त्रतन्त्रित दृढदयातन्त्रयन्त्रित

जय जय श्रीसुदर्शन जय जय श्रीसुदर्शन ॥ ६ ॥

pratimukhālīḍhabandhura pṛthumahāhetidantura

vikaṭamāyābahishkṛta vividhamālāparishkṛta |

sthiramahāyantratantrita dṛḍhadayātantrayantrita

jaya jaya shrīsudarshana jaya jaya shrīsudarshana || 6 ||

महितसम्पत्सदक्षर विहितसम्पत्षडक्षर

षडरचक्रप्रतिष्ठित सकलतत्त्वप्रतिष्ठित ।

विविधसङ्कल्पकल्पक विबुधसङ्कल्पकल्पक

जय जय श्रीसुदर्शन जय जय श्रीसुदर्शन ॥ ७ ॥

mahitasampatsadakshara vihitasampatshaḍakshara

shaḍaracakrapratishṭhita sakalatattvapratishṭhita |

vividhasaṅkalpakalpaka vibudhasaṅkalpakalpaka

jaya jaya shrīsudarshana jaya jaya shrīsudarshana || 7 ||

भुवननेत्रत्रयीमय सवनतेजस्त्रयीमय

निरवधिस्वादुचिन्मय निखिलशक्ते जगन्मय ।

अमितविश्वक्रियामय शमितविष्वग्भयामय

जय जय श्रीसुदर्शन जय जय श्रीसुदर्शन ॥ ८ ॥

bhuvananetratrayīmaya savanatejastrayīmaya

niravadhisvāducinmaya nikhilashakte jaganmaya |

amitavishvakriyāmaya shamitavishvagbhayāmaya

jaya jaya shrīsudarshana jaya jaya shrīsudarshana || 8 ||

द्विचतुष्कमिदं प्रभूतसारं पठतां वेङ्कटनायकप्रणीतम् ।

विषमेऽपि मनोरथः प्रधावन् न विहन्येत रथाङ्गधुर्यगुप्तः ॥

dvicatushkamidaṁ prabhūtasāraṁ paṭhatāṁ veṅkaṭanāyakapraṇītam |

vishame'pi manorathaḥ pradhāvan na vihanyeta rathāṅgadhuryaguptaḥ ||

The Sudarshana Ashṭakam is also published by prapatti.com in English, Tamizh, Kannaḍa and Sanskrit scripts.

कायेन वाचा मनसेन्द्रियैर्वा बुद्ध्यात्मना वा प्रकृतेः स्वभावात् ।

करोमि यद्यत्सकलं परस्मै नारायणायेति समर्पयामि ॥

kāyena vācā manasendriyairvā buddhyātmanā vā prakṛteḥ svabhāvāt |

karomi yadyat sakalaṁ parasmai nārāyaṇāyeti samarpayāmi ||